ابريك بريدان @ امفيت الله"

ابريك بريدان @ امفيت الله"

.امفيـت الله ما عنـدي احبـاب .. وفيت الصبر ما عندي دوا

اصحـاب الود تمـو لي احـراب .. واصحاب الكره تمو لي حما

وغلب الوقت ما سمي اغلاب .. وغلب الدم ما عنده اكفا

و عمرك ريت في الدنيا عراب .. يصيف الجذر و يديرن نما

وعنـدي ليـل مالدنيـا غيـاب .. شمسـه فيه ما ضوت وطـا

وعنـدي حلـم عايش به سـراب . .زهـوه عين والباقي جفـا

وعندي اصحاب ما كيفهم اصحاب .. وعندي اعدا ما كيفهم اعدا

وعنـدي قلب كي ريش الغـراب .. وعندي قلب من نوره ضوا

وعندي قصر ميموله خراب .. و عندي قصر ميموله ابنا

وباذن الله يجعلا ابواب .. وجيرة غر وسكون و هنا

وعنـدي عمـر ما طقّـه شبـاب .. من التقميـط لشّيب العضا

وعنـدي مال غصنبه اشعـاب . .ان جا للسـوق ما عنده اشرا

وعنـدي وطـن ما طقّـا شـراب .. نسـرح فيه في وقت الظما

وعنـدي بيـت خصّنـه اطنـاب .. اقلال العـرف داروا له اسفا

وعنـد لكـم داروا له حجـاب .. بـخط و خـام ما منـا وقا

وعنـدي علـم مـرن به اتعـاب .. وما من نجـم في عزّه هـوا

ولاني عفـن ولا عنـدي احسـاب .. ولاني زيـن مشيـول الثنا

هك و هك كي نص الطياب .. توكل كان هلها ف الخلا


جـانـا وقـت خيبنـا خيـاب .. نـا والهبـل تمينـا سـوا

ايريد ارضاه و حقوقا اسلاب .. نجيب منين من سيدي سما

ان قتله عيب عيبني اعياب .. و شب و هر ع القزعه شبا

وجانا وقت سيبنا اسياب .. لا لزام لا عاقل نها

وجـانا وقـت خـلانا اربـاب .. و جـانا وقت خلانا اضـرا

وجـانا وقـت خلانا اعصـاب .. وجانا وقت خـلانا حشـا

وجـانا وقـت خـلانا اذيـاب .. بوكلت يوم والباقـي صـغا

وجـانا وقـت ما درنا منـاب .. نلمـو يوم في وجبه عشـا

وجـانا وقـت جـلانا غـراب .. وفتنـا الوطـن ولقينـا وتـا

بغير امداس قضينا اصلاب .. براحت بال ما حسن حفا

وهب العون جابلنا سحاب .. و بارق خير في مزنه شلا

وجانا وقـت جابلنا اكسـاب .. الطيّـب راد والفاجـر طغـا

يدور الدهر ما عنده اسباب وروس الناس خلاهم اشطاب .. الجاهل فيه للعالم فتا

و ما من سبع خصنه انياب .. بعوية ذيب ع القطرا رما

دعيت الله ليا يستجاب .. ايهبن ارجاعا .. و يبرن بعد ياسات طول اوجاعا ...

لا مال لا فزاعا .. ملا وخيذه يا نهار اوداعا .. ما لقيتلك