[ندعوك للتسجيل في المنتدى أو التعريف بنفسك لمعاينة هذا الرابط]لقد امطرت احياءً سكنيةً تقع في غربها بوابل من صواريخ غراد
هذا وقال عدد من مواطنين .....
تحية للشهداء الابرار الذين سقطوا في جميع مدن ليبيا ... ليبيا بلد واحد
معمر القذافي وأولاده يقولوا لليبين ( اما ان احكمكم أو اقتلكم )
كوينر ... كوينر
في سنة الف وتسعمية وتسعة وستين
جي واحد اسمه القذافي بانقلاب عسكري
وعد الشعب بالكرامة وعد الشعب بالحرية وعد الشعب بالعدالة والديمقراطية
لكن الزمان فات وعدى والوقت اثبت ان كلامه كله كان كذب وتزليز وافلام
وانه كان يضحك عالشعب طول هال الاعوام
مؤتمراته الشعبية الي دارها في كل مكان
42 سنة هو جاتم على صدورنا
البلاد كلها ملكها لروحه بعرضها وطولها
دارها مزرعة ليه ولولاده ولجماعته
النفط ومقدرات البلاد دارهم من املاكه
ناس في البلاد مش لاقيا ماتاكل
وولاده صرفوا فلوس الشعب على الفساد والمراذل
معقولة فيه في بلاد النفط والمليارات ناس تشحت باش تعيش وترقد في العراء
اربعة عقود عايشين في الذل والمهانة كان الظلم والاهانة والشعب حالته تعبانة
طول هالسنين حاكمنا بالحديد والنار بسياسة الي يتكلم حايصرله قطع اللسان
ومن اصعب الاوقات كانت في ايامات الثمانيينات لما شباب الثانويات ابعثهم يموتوا في تشاد
والكل عارفين شن صار في الستة وتسعين والمجزرة الي صارت في سجن بوسليم
بدون وجه حق قتل شبابنا رمل نسائنا ويتم اطفالنا
هذا ماهو قائد لاهو معلم لاهو امام
هذا مجرم ونهايته حاتكون زي صدام
الشعب الليبي كله طلع وقال لا للإستعباد لا للإهانة والمذلة لا للفساد لا للظلم لا للطغيان لا للإستبداد خلاص يامعمر القذافي وقتك عدى وفات
الشعب الليبي كله طلع وقال لا للإستعباد لا للإهانة والمذلة لا للفساد لا للظلم لا للطغيان لا للإستبداد خلاص يامعمر القذافي وقتك عدى وفات
يوم 17 فبراير كان يوم مشهود يوم طلعت للشوارع الافواج والحشود الناس طلعت في مظاهرات سلمية اتنادي بالعدالة بالكرامة والديمقراطية
بدل مايستجيب لشعبه طلع يهدد ويقول ان الليبين جرذان ويتعاطوا في الحبوب وانهم عملاء للغرب وانهم ارهابيين وانهم فاقدين لعقولهم وانهم متهلوسين
لا غازات دموع لا خراطيم مياه طول بعث الكتايب وجاب المرتزقة بعث آلته الحربية المتوحشة الهمجية تقتل في شعبه بدون رحمة لا انسانية
والله اليهود ماحصروا غزة زيما هو حاصر مصراتة
لاماء لاكهرباء لاغذاء لادواء
وقصف همجي بجميع انواع الاسلحة
والله مافي حد في التاريخ دار هالدير في شعبه
لان الشعب طلب حقه نزل بيه العقاب بالقتل والتجويع وهـتك الاعراض
بعث مرتزقته وبعث كتايبه الامنية تبيد في شعبه وهو لابد في باب العزيزية
طرابلس محاصرها ومسكتها بالرصاص
لكن زمان السكوت والخوف تم خلاص
قومي قومي ياطرابلس راهو القذافي جبان
ثوري ثوري ياطرابلس عالظلم والطغيان
تحية اجلال لمصراتة وزوارة والزاوية
وطبرق وبنغازي ودرنة واجدابيا
والجبل الغربي ولد كل ليبي حر ثاير
عالنظام القمعي المستبد الجاير
العقل والمنطق والتاريخ يقول
ان مافيش قوة تقهر ارادة الشعوب
حانحرروا بلادنا ونعمراها من جديد
والقذافي وجماعته في مزبلة التاريخ
الشعب الليبي كله طلع وقال لا للإستعباد لا للإهانة والمذلة لا للفساد لا للظلم لا للطغيان لا للإستبداد خلاص يامعمر القذافي وقتك عدى وفات
الشعب الليبي كله طلع وقال لا للإستعباد لا للإهانة والمذلة لا للفساد لا للظلم لا للطغيان لا للإستبداد خلاص يامعمر القذافي وقتك عدى وفات
( نحن لن نستسلم ننتصر او نموت )
مــع تــــحيـــات النســـــــر الذهبـــي